Që prej janarit të vitit 2021, është bërë pjesë e departamentit të Kontrollit të Cilësisë në “Profarma Sh.a.”, e vetmja kompani prodhuese farmaceutike në Shqipëri. Ajo ka punuar me ekipin e Kërkimit dhe Zhvillimit, duke kontribuar në formulimin dhe vlerësimin analitik të barnave gjenerike. Përgjegjësitë e saj përfshijnë testimin e kontrollit të cilësisë, validimin e metodave, studimet e stabilitetit dhe përgatitjen e dokumentacionit teknik në përputhje me kërkesat rregullatore.

Në vitin 2024, ajo ka kaluar në fushën e akademisë si Asistente Lektore në lëndët Farmakologji dhe Histori të Farmacisë. Ajo shfrytëzon përvojën e saj në kërkimin dhe zhvillimin farmaceutik për të ofruar një qasje të aplikuar në mësimdhënie, duke ndihmuar studentët të lidhin njohuritë teorike me ato praktike.